 Республика куләмендә төрледән-төрле конкурслар булып тора, аларның һәркайсында катнашу өчен күп сабырлык, түземлек, эзләнү кирэк. Соңгы конкурс халык санын исәпкә алуга багышланган иде. Субаш мәктәбе укучылары бик теләп элеге бәйгедә катнаштылар. Шулар арасыннан район комиссиясенә берничә инша белән рәсемнәр дә тәкъдим ителде. Бу комиссиядән үткән эшләр Казанга җибәрелде. Әлбәттә, нәтиҗәне туземсезлек белән көтеп алдык, чөнки Николаев Артурның рәсеме, Хәбибуллина Азалиянең сочинениеләре киткән иде. Менә сөенечле сәгатьләр килеп җитте. Уңышларыбыз без көткәннән дә куанычлырак булды. Рэсем буенча Николаев Артурның эшен унай бәяләсәлэр, Хабибуллина Азалиянең сочинениесен бик яхшы дип таптылар һәм аңа 2 урын бирделәр. Шуның нәтиҗәсендә Азалия Казанга госсоветка бару бәхетенә ия булды. Аннан депутат, язучы Роберт Миннуллин кулыннан грамота һәм акчалата премия алса, Николаев Артур район статистика булеге җитәкчесе Ибнеев Фәнил Фәһимович кулыннан грамота һәм акчалата премия алды. Бу егет-кызларга молодцы дип кенә әйтәсе кала.
|